هنفطر ايه النهارده احنا صايمين _ نفطر اي حاجه مش
عارف مش مركز عادي يعني اعملي اي حاجه سؤال دائم وجواب مش بيتغير طول شهر رمضان،
كل عام وانتم بألف خير وصحة وسلامة وعافية ورضا من الله عزوجل، رمضان كريم علينا وعليكم بإذن الله ونسأل الله العظيم ان يتقبلنا ويتقبل أعمالنا الصالحه بإذن الله منا ومنكم،
معنا مطبخ وصفات بيتى هنقدم لكم اقتراحات بوصفات الإفطار هنقدم أكثر من 40 اقتراح لك أن تختاري بينهم وكمان هنعمل قائمه بكل وصفات الفراخ وقائمه بوصفات اللحوم والطواجن والأرز والشورب والعصائر ومقترحات تحابيش السحور أنواع مختلفه واصناف متنوعه للفول والجبنه والبيض وأنواع الزيادي والميلك شيك وحاجات كثير أن شاء الله تستفيدوا منها. وعاوزك اقول لكم حاجه متبخلوش على المحتاجين يعني ممكن تزودي وجبه أو اثنين معاك وتفطري بيهم جيران محتاجه أو تتصدقي بيهم واكيد هتلاقي ناس كثير محتاجين احنا بنعبد رب كريم وفي شهر كريم يعني عاوزين نتحلي بخلق الكرم والجود حتى لو بأقل الأشياء كل واحد حسب مقدرته.
مستنيكم في التعليقات لأي نصيحه أو وصفه محتاجنها، نبدأ بقى ونتوكل على الله، ومتنسوش تثبتوا التطبيق من جوجل بلاي تطبيق وصفات بيتى لاسترجاع الوصفات بسهوله
أكثر من 40 سفره إفطار في رمضان
- كباب حله _ أرز أبيض _ شوربه خضار _ سلطه بلدي
- بط محمر _ أرز معمر _ ملوخيه _ سلطه خضراء.
- كبده اسكندراني ( ثوم وفلفل اخضر) _ مكرونه محمره _ سلطه بلدي.
- فراخ كرسبي مقرمشه _ أرز بسمتي بالكركم _ سلطه خضراء شرائح متبلده بالخل والليمون.
- فول _ طعميه _ باذنجان مقلي كمون وثوم _ فلفل-حار مقلي _ بطاطس مقليه _ خبز بلدي _ سلطه بلدي.
- فراخ بانيه _ صينيه _ جلاش باللحم المفروم _ اسباجتي _ سلطه خضراء شرائح.
- داود باشا بالصلصه والثوم _ أرز ابيض _ بطاطس محمره _ سلطه خضراء.
- كشري مصري بكل التحابيش والتكات _ بصل محمر _ دقه خل وثوم _ صلصة طماطم بالخل والثوم والشطه، حمص _ عدس _ مخلل _ أرز بالبن.
- كبده بانيه _ مكرونه باشميل _ سلطه خضراء.
- فراخ مسلوق محمره _ محشي _ سلطه كرب بالخل والثوم والشطه _ شوربه لسان عصفور.
- سمك مشوي _ أرز صياديه بالبصل المحمر والكمون _ سلطه بلدي _ سلطه طحينه.
- سندوتشات كفته بالثوميه _ سلطه خضراء _ سلطه طحينه _ سلطه باذنجان مقلي بالثوم والخل و الطحينه ( مكعبات).
- طاجن مسقعه باللحم المفرومه _ أرز أبيض _ شوربه عدس _ سلطه خضراء. كسترد.
- طاجن بطاطس بالفراخ _ أرز حبه وحبه _ شوربه خضار _ سلطه بلدي.
- طاجن لحمه بالبصل والبطاطس ( مكعبات) _ أرز أبيض _ سلطه خضراء.
- فراخ كنتاكي _ أرز بسمتي بالبصل والكركم _ كاتشب ومايونيز _ سلطه كوليسلو.
- سمك مقلي _ أرز ابيض _ سلطه بلدي _ سلطه طحينه.
- سندوتشات فول وفلافل _ بطاطس محمره.
- كشري اسكندراني ( أرز مع عدس اصفر وبصل ) _ بيض مسلوق _ سلطه بلدي _ دقه خل وثوم.
- كبده مشويه _ مكرونه بالصلصه _ سلطه خضراء.
- طاجن بطاطس بالكفته _ أرز أبيض _ شوربه لسان عصفور _ سلطه خضراء.
- بفتيك _ اسباجتي _ بطاطس محمره _ سلطه بلدي.
- سمك مشوي _ سلطه بلدي _ سلطه طحينه _ سلطه طحينه بالبصل والبقدونس _ خبز بلدي.
- بيتزا اي نوع _ بطاطس محمره _ كاتشب مايونيز.
- رقائق باللحمه المفرومه _ شوربه شعريه مع خضار _ اي نوع خضار خفيف.
- فاصوليا بيضاء باللحمه _ أرز بالشعريه _ شوربه لسان سلطه خضراء.
- حواوشي _ مخلل مشكل _ سلطه طحينه.
- كفته فراخ بانيه _ مكرونه اسباجتي بالثوم والبقدونس _ سلطه خضراء.
- سمك صياديه _ أرز أبيض _ سلطه بلدي.
- برجر لحم _ عيش كيزر _ شرائح بصل وطماطم _ كاتشب ومايونيز _ بطاطس محمره _ مخلل مشكل.
- فول باللحمه المفرومه والبصل _ جبنه بالطماطم وزيت حار وحبه البركه _ بطاطس محمره _ طماطم مخلله.
- فراخ مشويه على الفحم _ اسباجتي _ شوربه عدس _ سلطه خضراء.
- مجدره( أرز ابيض مع عدس اسود) _ بصل محمره _ بيض مسلوق محمر _ صلصة طماطم بالثوم والخل _ سلطه بلدي.
- طاجن خضار باللحمه _ أرز ابيض _ شوربه لسان _ سلطه بلدي.
- كفته لحم بانيه _ ازرق بسمتي أو مكرونه _ سلطه خضراء.
- طاجن باميه _ أرز أبيض _ شوربه لسان _ سلطه خضراء.
- لحمه محمره _ لوبيا _ أرز حبه وحبه _ سلطه خضراء.
- حمام محشي _ أرز ابيض _ ملوخيه _ سلطه خضراء.
- سندوتشات شاورما( لحم أو فراخ ) _ بطاطس محمره _ كاتشب ومايونيز.
- داود باشا بالبصل والكاتشب _ أرز ابيض _ شوربه لسان _ سلطه بلدي.
- اوراك فراخ بالكاتشب والفلفل الحامي _ أرز خلطه _ شوربه خضار _ سلطه بلدي.
كده احنا تقريبا قدمنا لك جدول ومقترحات لأكثر من 40 وجبه إفطار ولك أن تختاري المناسب لك وطبعا مع مراعاة الظروف والأسعار المولعه عملنا كام وجبه كده في النص بتكلفة على قد الايد وطبعا لازم نراعي الظروف الاقتصادية والمعيشية ونحافظ على الخامه يعني نعمل الوصفات اللي تكفينا مش عاوزين نرمي الباقي ولو فاض حاجه مفيش مانع نحتفظ بيها ونعيد تدويرها و نستخدمها في يوم تاني، معنا مطبخ وصفات بيتى قدمنا لكم مقترحات لأكثر من 40 وجبه إفطار واختار براحتك واسعدي أولادك بأكلات ووصفات متنوعه ولذيذه
دلوقتي بقي هنقدم أشكال وأنواع بكل الأصناف واختار اللي انت عاوزه تعمليه معانا في مطبخ وصفات بيتى بطريقه المحترفين، ومتنسوش تثبتوا التطبيق من جوجل بلاي تطبيق وصفات بيتى لاسترجاع الوصفات بسهوله
وصفات وأطباق الفراخ
اختاري المناسب لكم
فراخ محمره ، فراخ روستو ، فراخ بالصلصه ، فراخ بانيه ، فراخ كرسبي، فراخ كنتاكي ، فراخ بالصلصه، فراخ بالخضار ، كفته فراخ ، كفته فراخ بانيه برجر فراخ ، فراخ مسلوق ، فراخ مشويه، فراخ جبريل ، فراخ بالأعشاب والليمون ، شاورما فراخ ، فراخ بالعجينه محمره، فراخ مقليه، فراخ استربس ، فراخ بالكاتشب ، أجنحة فراخ كرسبي ، أجنحة فراخ بالباربيكيو صوص ، وهكذا
وصفات وأطباق اللحوم
اختاري المناسب لكم
لحمه مسلوقه، لحمه محمره ، كباب حله ، لحمه مفرومه معصجه، برجر لحم ، كفته لحم ، لحم بالخضار ، لحم مع باميه، لحم مقرمش كرسبي ، شاورما لحم ، لحم مع لوبيا ، داود باشا بالصلصه ، كفته لحم بانيه، كفته بالكاتشب ، كفته بصوص الجبنه، كفته بالبصل، كفته مع بطاطس ، كبده إسكندر اني، كبده مشويه ، كبده بانيه ، كبده بالرده، كبده بالطحينه، كبده بالبصل والثوم،
وصفات وأطباق السمك
اختاري المناسب لكم
سمك مقلي ، سمك سنجاري، سمك دمياطي ، سمك صياديه، سمك مشوي ، سمك فيليه مقلي ، سمك فيليه جريل ، سمك فيليه بالطحينه ، صينيه جمبري ، جمبري مقلي ، جمبري ، مشوي ، جمبري بالبصل والثوم ، جمبري بانيه ، جمبري كنتاكي ، جمبري مقرمش ،
بعض أنواع الأرز
اختاري المناسب لكم
أرز بالشعريه، أرز جريتان ، أرز حبه وحبه ، أرز احمر ، أرز أصفر، أرز لسان ،، أرز بالخلطه ، أرز باللحم المفرومه ، أرز معمر ، أرز معمر باللحم ، أرز صياديه ، أرز بالكمون ، أرز بالجمبري ، أرز بالسي فود ، أرز جربه التونسي ، كسكسي بالخضار ، كسكسي باللحم ، كسكسي بالفراخ، كسكسي بالسيفود، مقلوبه ، فته، منسف ، أرز برياني ، أرز بالخضار
بعض أنواع الشوربه
اختاري المناسب لكم
شوربه لسان ، شوربه لسان بالخضار ، شوربه شعريه بالخضار ، شوربه لسان بالخضار والفراخ ، شوربه البصل، شوربه عظم، شوربه كوارع، شوربه بهاريز ، شوربه عدس، شوربه فراخ ، شوربه لحمه ، شوربه خضار ، شوربه خضار كريمي ، شوربه طماطم ، شوربه حريره مغربي ، شوربه مبقبقه ليبي شوربه جزر ، شوربه قرع ، شوربه مشروم ، شوربه كوسه ، شوربه سبانخ، شوربه جمبري ، شوربه سي فود ، شوربه بيسك ، شوربه سمك ،
بعض أنواع الطواجن
اختاري المناسب لكم
طاجن باميه ساده ، طاجن باميه باللحم ، طاجن باميه باللحم المفروم ، طاجن باميه بالفراخ ، طاجن كوسه ساده ، طاجن كوسه باللحم ، طاجن كوسه باللحم المفروم ، طاجن كوسه بالفراخ ، طاجن كوسه بشاميل، طاجن بطاطس ساده ،، طاجن بطاطس باللحم ، طاجن بطاطس لحم مفرومه ، طاجن بطاطس بالفراخ ، طاجن بطاطس جريتان ، طاجن مسقه ساده ، طاجن حمص بالبيض، طاجن قرنبيط باللحمه المفرومه طاجن عكاوي بالباميه ، طاجن مسقعه لحم مفرومه، طاجن مسقعه بالجبنه، طاجن خضار مشكل ساده ، طاجن خضار مشكل باللحم ، طاجن خضار بالفراخ ، طاجن ملوخيه ، طاجن ملوخيه بالفراخ ، طاجن ملوخيه بالارانب، طاجن ملوخيه بالجمبري ،
بعض أنواع السلطات والمقبلات
اختاري المناسب لكم
سلطه خضراء، سلطه بلدي ، سلطه بابا غنوج ، سلطه راهب ، سلطه طحينه، سلطه طحينه بالبصل ، سلطه كرنب بالخل والثوم ، سلطه طماطم مخلله ، سلطه كوليسلو، كاتشيب ، مايونيز، مخلل بأنواعه.
تحابيش السحور في رمضان
اختاري المناسب لكم
بطاطس محمره ، بطاطس فرسكس، بطاطس بوريه، بطاطس مسلوقه بالثوم، بطاطس مهروسه بالبيض المقلي ، بطاطس بالبيض المسلوق والكمون، فول بأنواعه ، فول بالطماطم ، فول بالسلطة ، فول زيت حار ، فول بإلقاء ، فول بالبسطرمه ، فول بالكبده ، فول بالطعميه ، جبنه بالطماطم، جبنه بالخيار ، جبنه بالطحينه ، جبنه بالزيتون، جبنه بالزعتر، جبنه حبه البركه ، جبنه بالشبت وزيت حار، جبنه قريش بالبيض المقلي ، بيض عيون ، بيض مقلي ، بيض مسلوق ، بيض اسكرامبل، بيض مسلوق محمر بالزبدة ، بيض بالبصل ، بيض بالطماطم ، بيض بالجبنه ، بيض بالفلفل، بيض بسطرمه ، بيض بالانشون ، بيض بالجبنه الموزاريلا ، طعميه، لبنه
بعض أنواع العصائر والزبادي
اختاري المناسب لكم
عرقسوس، تمر هندي ، سوبيا ، عصير برتقال ، عصير فراولة ، عصير قمر الدين ، عصير جوافه بالبن ، عصير جوافه بالليمون ، عصير الليمون بالنعناع ، عصير ليمون بالبن ، عصير بنجر بالبرتقال ، عصير بنجر بالأناناس ، عصير بنجر بالليمون ، عصير بنجر بالليمون والجنزبيل، عصير جرجير بالليمون والجنزبيل ََوالعسل ، عصير جريل فروت ، عصير برتقال بالجزر ، عصير كاركاديه، سكالنس ( تمر هندي مع عرقسوس) ، عصير لبن جوز الهند، عصير لبن بالكركم والعسل ، عصير لبن بالقرفه والعسل، لبن بالكاكاو، لبن بالشيكولات، لبن بالخوخ الكمبوت ، لبن بالفراوله ، لبن بالأناناس ، لبن بالليمون والنعناع، زبادي بالعسل ، زبادي بالفراوله، زبادي بالمانجو، زبادي بالتوت، زبادي بالخوخ ، زبادي بالأناناس، زبادي بالشيكولات، زبادي ساده ، زبادي بيتى ، زبادي بوريو ،
كده احنا قدمنا بعض المقترحات ولك أن تختاري ما هو مناسب لك ولأطفالك ولأسرتك.
رمضان كريم، الله أكرم، كل عام وانتم بألف خير وصحة وسلامة وعافية.
تحياتى لكم | مطبخ وصفات بيتى | شيف محمود عبد الجليل | فى انتظار آرائكم فى وصفاتنا وانتظار تعليقاتكم
تبرعك يدعمنا 
إدعمنا بفنجان قهوة
كلمات مفتاحية
فطار رمضان ، سفره رمضان، عزومات رمضان، أفكار للإفطار، نفطر ايه النهارده، منيو رمضان، وصفات رمضان سهله، وصفات رمضان ، وصفات رمضان سريعه ، وصفات فراخ ، وصفات لحوم ، وصفات أسماك ، وصفت عصائر، وصفات طواجن، طواجن رمضان،
