سلام الله عليكم متابعى مطبخ وصفات بيتى، كل عام وانتم بألف خير وصحة وسلامة، رمضان كريم علينا وعليكم. من غير لف وتعب وحيره هنقدم لك 30 إفطار وسحور كل يوم صنف جديد وطبعا هنراعي غلاء الأسعار وهنحاول اننا نقدم لك وصفات بيتى معقوله ولكن الجديد اننا هنعملها بطريقه وطعم المحترفين أسرار وتكات هتخلي الاكل له طعم تاني،
رمضان كريم، والله أكرم نبتدي بقى على شان الوقت.
دايما بشتغل على 4 أفراد.
ومتنسوش تثبتوا التطبيق من جوجل بلاي تطبيق وصفات بيتى لاسترجاع الوصفات بسهوله
إفطار اليوم الأول
- شوربه لسان عصفور
- فراخ روستو
- بطاطس فرن
- أرز بالشعريه
- سلطه خضراء بلدي
- الحلو كنافه الطاسه
- العصير تمر هندي وعرقسوس وسوبيا
سحور اليوم الأول
انا بحب السحور الخفيف اللي مفهوش دهون كثير على شان منتعبش واحنا صايمين، ولكن لو حبيتم يبقى كتالي
- فول بالطماطم
- طعميه بيتى
- بطاطس مقليه
- جبنه بالخيار
- زبادي
مكونات الإفطار
مكونات الفراخ الروستو
- فرحه سليمه
- 2 بصله كبيره مبشوره
- ملح وفلول حسب الرغبه والمذاق
- 3 ورق لوري
مكونات البطاطس الفرن
4 بطاطس متوسطه الحجم مقشره ومقطعه حلقات
1 بصله كبيره مقطعه شرايح
2 معلقه صلصة
1 فلفل أخضر حلقات
ا فلفل احضر حامي ، اختياري
ملح وفلفل حسب الرغبة والمذاق
3 فص ثوم مفروم
2 معلقه كسبره ناشفه
1/2 معلقه كمون
مكونات شوربه لسان العصفور
150 جرام لسان عصفور
بصله صغيره مفرومه
1 فص ثوم مفروم
لو متوفر مرقه فراخ تمام أو 1 مكعب مرقه دجاج
ملح وفلفل حسب المذاق والرغبه
1/4 معلقه كمون
2 ورق لوري
مكونات حلو كنافه الطاسه
- 1/2 كيلو كنافه شعر
- 1/2 كوب سيرب خفيف
- 1/4 كوب سمنه أو زبده
طريقه تحضير وجبه الإفطار فراخ روستو في الفرن
- بعد تقطيع الفرخه وبغسلها بالملح والخل جيدا للتخلص من الرائحه نضعها في مصفاة جانبا وفي أثناء ذلك نحضر البصل ونبشره ونتبله بالملح والفلفل وتضيف الزيت وقلبه جيدا
- نحضر الدجاج ونقوم بحشو البصل المتبل بعضه بين الجلد والآخر نقوم بوضعه فوق الدجاج وضيف ورق الورى مع 4 حبات حبهان ثم نتركه في الثلاجه لمده ساعه على الأقل أو لحين البدأ في إعدام وجبه الإفطار،
- في صينيه نضع الفراخ المتبله نصيف 1 كوب من الماء ونغطيها ونرفعها على النار لمده 20 دقيقه أو حتى ينضج وطبعا
- في الفرن على درجه حراره 150 نرفع الغطاء ونضع صينيه الفراخ لمده 15 دقيقه حتى تحمر طبعا مع المتابعه من حين لآخر.
تحضير البطاطس الفرن
- نقطع البطاطس إلى حلقات والبصل والفلفل الأخضر
- في طبق عميق نضع البصل ثم الفلفل الأسود ونقلب جيدا ثم نضيف الكسبره الجافه والملح والكمون والفلفل الحامي والزيت ونقلب ثم نضيف الفلفل الأخضر
- نضيف هذه المكونات إلى البطاطس ونقلب جيدا مع اضافه الصلصه، ثم نضيف 1 كوب من المرق أو الماء ونغطيها ورفعها على نار متوسطه لمده 15 دقيقه مع المتابعه طبعا وإذا لزم الأمر نضيف بعض الماء. حتى تنضج
- هنلاحظ اننا عملنا البطاطس بنفس طريقه الفراخ كله في صينيه ونسوي على النار، ايوه انا اقصد ده لأننا هانوفر وقت كثير وممكن نجهز الفراخ والبطاطس في أقل من ساعه وقبل الإفطار ندخلهم الفرن مع بعض واحنا بنحضر الأرز بالشعريه وشوربه لسان العصفور
طريقه عمل شوربه لسان العصفور
- أسهل طريفة وأسرع طريقه انا بعملها ببوشر البصل والثوم وبعدين احمر لسان العصفور لحد ما ياخد اللون الذهبي ثم أضيف البصل المبشور والثوم مع التقليب، طبعا الريحه مش هتقدر تقاوميها،
- نضيف 2 كوب الماء نتركه يغلي ونسبه كده لمده دقيقتين ونتبله الملح والفلفل والكمون وضيف مكعب مرقه الدجاج ورقه اللوري ونقلب،
- نغطي الشوربه ونرفعها من على النار،
طريقه عمل كنافه الطاسه
- ودي بقى طريقه سهله جدا جدا جدا، مش محتاجين غير طاسه كده متوسطه وتكون تيفال على شان نشتغل بسرعه
- اول حاجه نحضر السيرب
- نذيب السمن أو الذبده
- نورق الكنافة ونفصاصها عم بعض يعني كده نخليها شعر
- نذهن الطاسه بالذبده ونضع بيها الكنافة حسب حجم الطاسه ونضغط جيدا وخصوصا على الجوانب ثم نرش السمن أو الزبد على وش الكنافة
- نرفع الطاسه على نار هادئة حتى يحمر الجزء الأسفل وطبعا نراقب على شان متتحرقش،
- نجيب طبق أو صينيه مسطحه وضعها على الطاسه ونرفع الطاسه ونقلب، هنخلي الوش اللي احمر فوق ثم نعيدها في الطاسه ونرجع السمنه تاني حتى يحمر الجزء الثاني،
- كل ده مش هياخد حوالي 10 دقايق بس الأهم اننا نتابع
- بعد ما نحمر الكنافة من الجهتين، نضيف السيرب وهي سخنه ونغطيها حتى التقديم
يبقى كده عندنا صينيه الفراخ وصينيه البطاطس جاهزه على الفرن ندخلها كده قبل الإفطار بساعه لمده 15 دقيقه
والكنافه تمام والشوربه تمام وطبعا الأرز انت عملتيه مش ضروري نعمل الأرز لأننا كلنا بنعمل الأرز، المهم كده السفره تمام فراخ روستو بطاطس فرن وشوربه لسان عصفور وارز بالشعريه وكنافه الطاسه الروعه،
نعمل بقى شويه سلطه بلدي ويبقى كله تمام
صوما مقبولا و إفطار شهي، ومتنسوش تثبتوا التطبيق من جوجل بلاي تطبيق وصفات بيتى لاسترجاع الوصفات بسهوله
تحياتى لكم | مطبخ وصفات بيتى | شيف محمود عبد الجليل | فى انتظار آرائكم فى وصفاتنا وانتظار تعليقاتكم
تبرعك يدعمنا 
إدعمنا بفنجان قهوة
كلمات دلاليه
فطار رمضان، أفطر ايه في رمضان ، سفره رمضان ، فطار اول يوم ، رمضان ، وصفات رمضان ، وصفات بيتى، وصفات بيتى في رمضان ، اليوم الاول ، وصفات فراخ ، شوربه لسان ، شوربه لسان عصفور ، فراخ روسو ، فراخ فرن ، بطاطس فرن ، كنافه الطاسه ، كنافه ، أرز بالشعريه ،
جميل يسلم ايدك شيف محمود الغالي
ردحذف